पोखरा न्यूज । जीप दुर्घटना हुँदा म्याग्दीका एक जनप्रतिनिधिसहित चार जनाको मृत्यु भएको छ ।
म्याग्दीको सदरमुकाम बेनीबाट रघुगंगा गाउँपालिका-१ बेग गाउँ जाँदै गरेको निलगिरी यातायात प्रालिको ग १ ज ७२५१ नम्बरको जीप सोमबार साँझ दुर्घटनामा परेको हो ।
दुर्घटनामा परी रघुगंगा गाउँपालिका-१ बेगकी निर्वाचित वडा सदस्य गौमाया विक, जीप चालक दुतबहादुर थापा, खिमु पुन र खिमानन्द शर्माको ज्यान गएको प्रहरी निरीक्षक वीरेन्द्रराज गुरुङले पुष्टि गर्नुभयो ।
दुर्घटनामा बलबहादुर विक, मनोज पुन, भीम फगामी र ज्ञानबहादुर शेरपुञ्जा घाइते हुनुभएको छ । उहाँहररूलाई थप उपचारका लागि पोखरास्थित मणिपाल शिक्षण अस्पताल ल्याइएको छ ।