एजेन्सी / न्युयोर्क । अमेरिकाको केन्टुकीमा आएको शक्तिशाली आँधीमा कम्तिमा एक सय जनाको मृत्यु भएको छ ।
आँधीमा दर्जनौं हराइरहेका छन् । आँधीबाट अहिलेसम्म दर्जनौंको उद्दार गरिएको छ ।
आँधीका कारण केन्टुकीका दशौं हजार मानिसको घरमा विद्युत र पानीको आपूर्ति बन्द भएको छ । आँधीबाट मिसोउरी, अर्कान्सस, इलिनोइस, टेनेसा, मिसीसिपीलगायतका राज्य प्रभावित भएका छन् । केन्टुकीमा आपतकाल घोषणा गरिएको छ ।
आँधीका कारण इलिनोस राज्यस्थित अमेजन कम्पनीको भवन भत्किएको छ । आँधीले दर्जनौ भवनमा क्षति पु–याएको छ । रुख तथा पोल ढल्दा सडक अबरुद्ध भएका छन् ।
राष्ट्रपति जो बाइडेनले आँधीले ठूलो जनधनको क्षति गरेको भन्दै धैर्य रहन सबैलाई आग्रह गरेका छन् ।
केन्टुकीको आँधी इतिहासमै ठूलो भएको बाइडेनले बताएका छन् ।
