पोखरा न्यूज । पोखरामा ट्रकले स्कुटरलाई ठक्कर दिँदा एक जनाको ज्यान गएको छ ।
पोखराको चाइना पुलमा पृथ्वीचोकबाट बुद्धचोक तर्फ जादै गरेको ग१४प ५८२२ नं. को स्कुटरलाई सोही दिशाबाट जादै गरेको बा ०३/००१ ख १८१५ नं. को ट्रकले ठक्कर दिँदा पोखरा १४ काजीपोखरी बस्ने ६० वर्षीया शान्ति माया पुनको मृत्य भएको प्रहरीले जनाएको छ ।
कास्की प्रहरीका अनुसार स्कुटरको पछाडि सवार पुनलाई दुर्घटना पश्चात उपचारको लागि अस्पताल लगिएकोमा चिकित्सकले मृत घोषणा गरेका हुन् ।
दुर्घटनामा स्कुटर चालक गुल्मी चारपाला गाँउपालिका-४ घर भई जिल्ला प्रहरी कार्यालय कास्कीमा कार्यरत ४२ वर्षीय प्रहरी सहायक निरीक्षक डिल बहादुर सोमरे घाइते हुनुभएको छ ।
ट्रक र ट्रक चालकलाई नियण्त्रणमा लिई थप अनुसन्धान भइरहेको प्रहरीले उल्लेख गरेको छ ।
