पोखरा न्यूज । नेपालमा चिसो झन बढेको छ । मौसम पूर्वानुमान महाशाखाका अनुसार काठमाडौं उपत्यकासहितका सहरमा दिउँसो घाम लागे पनि बिहान र राति तापक्रम घट्ने गरेको छ ।
पछिल्लो २४ घन्टामा काठमाडौंको तापक्रम ४.२ डिग्रीसेल्सियसमा झरेको छ । त्यहाँको अधिकतम तापक्रम पनि २० डिग्री रहेको छ ।
पोखराको तापक्रम ८ डिग्रीमा झरेको छ, यहाँ अधिकतम तापक्रम २१.९ डिग्री सेल्सियस छ ।
जुम्लाको न्यूनतम तापक्रम माइनस ४ डिग्री रहँदा अधितम तापक्रम १५.४ डिग्री मात्र छ ।
नेपालगन्जको न्यूनतम तापक्रम ९, विराटनगरको ५.९, धनगढीको ८.३ र विराटनगरको ९.५ डिग्री रहेको छ । मुलुकमा पश्चिमी न्यून चापीय प्रणालीको आंशिक प्रभाव रहेको छ।
बुधबार बिहान पहाडी क्षेत्रमा आंशिक बदली रहेको छ ।
