पोखराको फेवातालमा पर्यटक मृत फेला

पोखरा न्यूज । पोखराको फेवातालमा एक विदेशी पर्यटक मृत फेला परेका छन् ।

बिहीबार दिउसो बेलायती नागरिक मृत अवस्थामा फेला परेको कास्की प्रहरीले जनाएको छ ।

पोखरा २२ अँधेरीखोला नजिकै पूर्वी फेवातालमा पासपोर्टमा  मार्क सुट नाम उल्लेख भएका ४६ वर्षीय पुरूष तैरिरहेको अवस्थामा फेला परेको कास्की प्रहरी प्रवक्ता डिएसपी सुन्दर तिवारीले जानकारी दिनुभयो ।

मृतकको साथमा भेटिएको पासपोर्टमा उनी २०१९ मा  नेपाल आएको थाहा भएको छ ।  शवलाई पोष्टमार्टमका लागि पोखरा स्वास्थ्य विज्ञान प्रतिष्ठानमा राखिएको छ ।

घटनाको बारेमा अनुसन्धान भइरहेको र  पोष्टमार्टम रिपोर्टपछि थप कुरा खुल्ने प्रहरीले जनाएको छ ।

सम्बन्धित न्यूज

Leave a Reply

Your email address will not be published. Required fields are marked *

Back to top button