पोखरा न्यूज । पोखरामा भूकम्पका कारण घर भत्किदा एक किशोरी घाइते भएकी छन् ।
भूकम्पका कारण घरको आँटी भत्किदा पोखरा -२४ कास्कीकोट स्थित दोपरेकी १५ वर्षीया करिश्मा सुबेदी घाइते भएको गण्डकी प्रदेश प्रहरी कार्यालय पोखराले जनाएको छ ।
घाइते सुबेदीलाई स्थानीयको सहयोगमा उद्धार गरी उपचारको लागि हस्पिटल पठाइएको र उनको अवस्था सामान्य रहेको प्रहरीले उल्लेख गरेको छ ।
बिहीबार बिहान ३:५६ बजे गएको भूकम्पका कारण स्थानीय पूर्णहरि सुवेदीको ढुङ्गा माटोले बनेको २ तले घरमा क्षति पुगेको हो ।