नेपाल एयरलाइन्सका आन्तरिक उडान टिकट अब अनलाइन बुक गर्न सकिने

नेपाल एयरलाइन्सका आन्तरिक उडानतर्फका टिकट अब अनलाइनबाटै बुक गर्न सकिने भएको छ ।

एयरलाइन्सले अहिलेका लागि इसेवामार्फत आन्तरिक उडानका आठ गन्तव्यको टिकट अनलाइन नै बुक गर्न सकिने व्यवस्था गरेको हो । एयरलाइन्सले काठमाडौँबाट हुने ताप्लेजुङ, भोजपुर, दाङ, थामखर्क, खानीडाँडा, रुकुम, फाप्लु र इलाममा गर्ने उडानका लागि अनलाइन टिकट बुकिङ खुला गरेको हो । ती स्थान जाने र फर्कने दुईतर्फ कै टिकट र उपलब्ध सिट संख्याको पनि अब अनलाइनबाटै जानकारी लिन सकिनेछ ।

निगमले अन्य लोकल वालेटबाट पनि निकट भविष्यमा टिकट काट्ने व्यवस्था मिलाइने बताएको छ । अन्तर्राष्ट्रियतर्फ भने निगमकै वेबसाईटबाट केही समय अघि देखि नै टिकट बिक्री गरिराखेको छ ।

सम्बन्धित न्यूज

Leave a Reply

Your email address will not be published. Required fields are marked *

Back to top button