बाग्लुङमा स्कुल जाँदै गरेकी बालिकाको भिरबाट लडेर मृत्यु भएको छ ।
बाग्लुङको बरेङ गाउँपालिका–१ धुल्लुबास्कोट लुरुङकोटका विष्णु बहादुर घर्ती मगर र डोलमाया घर्तीमगरको आठ वर्षीया छोरी प्रतीक्षा घर्ती मगरको मङ्गलबार भिरबाट लडेर मृत्यु भएको हो । बिहान स्कुल जानेक्रममा साथीहरुसँग आँखा बन्द गरि खेल्दै हिँड्दै गरेको अवस्थामा मगर भीरबाट खसेको जनाइएको छ । उनी भीरबाट करिब पाँच सय मिटर तल खसेको प्रहरीले जनाएको छ ।
उनको शव पोस्टमार्टमका लागि बाग्लुङ लगिएको छ । घटनाबारे थप अनुसन्धान भइरहेको प्रहरीले जानकारी दिएको छ ।
