स्याङजामा गाडी दुर्घटना हुँदा एकको मृत्यु

स्याङजा, २४ जेठ ।  स्याङजाको अर्जुनचौपारीमा गाडी दुर्घटना हुँदा एक जनाको ज्यान गएको छ ।

जिल्ला समन्वय समिति स्याङजाको बा १ झ ५८७८ नम्बरको गाडी सहरे नजिकैको खोलेमा दुर्घटना हुँदा चालक वालिङ–४ का अमृत खनालको मृत्यु भएको प्रहरीले जनाएको छ  ।

शिरुवारीबाट अर्जुनचौपारि हुदै स्याङ्जा बजार तर्फ फर्कँदै गरेको गाडी दुर्घटनामा जिल्ला समन्वय अधिकारी राजेन्द्रप्रसाद पौडेलसहित तीनजना घाइते भएको स्याङ्जा प्रहरीले जानकारी दिएको छ ।

अन्य घाइते हुनेमा अम्बिका पौडेल र टीकाराम पौडेल रहेका छन् । घाइतेहरुको जिल्ला अस्पताल स्याङ्जामा उपचार भैरहेको प्रहरीले जनाएको छ ।