लुम्बिनी प्रदेशको नीति तथा कार्यक्रम आज सार्वजनिक हुने
लुम्बिनी प्रदेश सरकारले आज नीति तथा कार्यक्रम सार्बजनिक गर्ने भएको छ ।
प्रदेश सरकारले आगामी आर्थिक वर्ष २०८०/८१ को नीति तथा कार्यक्रम आज सार्वजनिक गर्न लागेको हो । प्रदेश प्रमुख अमिक शेरचनले आज बिहान साढे ११ बस्ने प्रदेश सभाको बैठकमा नीति तथा कार्यक्रम प्रस्तुत गर्ने जनाइएको छ ।
यसपटक ‘हरेक घर–घरमा प्रदेश सरकार, हरेक गाउँमा प्रदेश सरकार’ नारासहित नीति तथा कार्यक्रम ल्याउन लागिएको छ । नीति तथा कार्यक्रम प्रस्तुत भएपश्चात विभिन्न सांसदले त्यस प्रति प्रतिक्रिया दिनेछन् र छलफल पछि बहुमत सांसदको समर्थन पाए नीति तथा कार्यक्रम पारित हुनेछ ।
