कास्की जिल्लास्तरीय एथलेटिक्स असार २ गते हुने

कास्की जिल्लास्तरीय एथलेटिक्स प्रतियोगिता असार २ गते हुने भएको छ ।

जिल्ला खेलकुद विकास समितिको आयोजनामा उक्त प्रतियोगिता हुन लागेको हो । जिल्ला खेलकुदका कार्यालय प्रमुख डम्वर बहादुर (डिवी)नेपालीका अनुसार प्रतियोगितामा १०० मिटर, २०० मि., ८०० मि. र १५०० मिटर छात्र/छात्रा दौड प्रतियोगिता संगै खुल्ला ३ किमि छात्र/छात्रा दौड समावेश गरिएको छ ।

प्रतियोगिता अन्तर्गत हुने १०० मिटर, २०० मि., ८०० मि. र १५०० मिटर छात्र/छात्रा दौडमा विजेता खेलाडीहरुलाई मेडल तथा प्रमाणपत्र प्रदान गरिनेछ भने ३ किमि छात्र/छात्रा दौडमा क्रमश प्रथम, द्वितिय र तृतिय हुने खेलाडी क्रमश जनही नगद रु ५ हजार, ३ हजार र २ हजार नगदका साथमा मेडल तथा प्रमाणपत्र प्रदान गरिने छ ।

प्रतियोगितामा कक्षा १२ सम्म अध्ययनरत विद्यार्थीहरुको सहभागिता रहने भएकोले सोको लागि सम्पूर्ण विद्यालयहरुमा पत्रचार गरिएको कार्यालय प्रमुख नेपालीले जानकारी दिए ।

उक्त प्रतियोगिताबाट यूवा खेलाडी उत्पादन तथा पहिचानका लागि सहयोगी रहने उनले बताए ।

सम्बन्धित न्यूज

Leave a Reply

Your email address will not be published. Required fields are marked *

Back to top button