दार्चुलामा यार्सागुम्बा टिप्न गएकी एक बालिकाको हिउँमा चिप्लिएर मृत्यु भएको छ ।
दार्चुलाको व्यास गाउँपालिकाको हुमदुम्तीमा चिप्लिएर सोही गाउँपालिकामा घर भएकी १४ वर्षीया आरती कार्कीको मृत्यु भएको हो । आइतबार हिउँमा चिप्लिएर घाइते भएकी उनलाई जिल्ला अस्पताल लगिएको थियो ।
त्यहाँ उपचार हुन नसकेपछि भारतको अस्पताल रिफर गरिएकोमा अस्पताल लैजाने क्रममा उनको बाटोमै मृत्यु भएको जनाइएको छ । मृतक कार्की कक्षा ६ मा अध्ययनरत रहेको उनको परिवार स्रोतले जनाएको छ ।
