संखुवासभामा रहेको हेवाखोला हाइड्रोमा बाढी आउँदा बेपत्ता भएका १७ जना कामदारमध्ये दुईजनाको गम्भीर घाइते अवस्थामा उद्धार भएको छ ।
गएराति आएको बाढीले सुपर हेवाखोला हाइड्रोपावरमा ठूलो क्षति पुर्याएको थियो भने १७ मजदुर बाढीमा बेपत्ता भएका थिए । बेपत्ता भएका मध्ये बर्दिया नगरपालिका–७ का २४ वर्षीय टीकाराम चौधरी र ३५ वर्षीय दीपकराज थारु गम्भीर घाइते अवस्थामा फेला परेका हुन् ।
जिल्ला प्रहरी कार्यालय संखुवासभाका अनुसार घाइतेहरुको सामुदायिक अस्पताल चैनपुरमा उपचार भइरहेको छ । बाकिँ बेपत्ताको खोजी कार्य जारी रहेको प्रहरीले जनाएको छ । हेवाखोलाको बाढीले मेची राजमार्गको एक मोटरेबल पुल र तमोर करिडोर एक बेलिब्रीज पनि बगाएको छ ।
