काठमाडौं महानगरका मेयर बालेन शाह कडिकडाउ रुपमा प्रस्तुत भएपछि त्यहाँका चार सय ६५ निजी विद्यालयले दिए १३ हजार बढी विद्यार्थीलाई छात्रवृत्ति प्रदान गरेका छन् ।
बालेनले आज एक फेसबुक पोस्टमार्फत उक्त उपलब्धिको जानकारी दिएका हुन् । उनका अनुसार इतिहास मै पहिलोपटक महानगरभित्र रहेका ५०४ निजी विद्यालयमध्ये ४६५ विद्यालयले छात्रवृत्तिको विवरण बुझाएका छन् जस अनुसार १३ हजारभन्दा बढी विद्यार्थीले विभिन्न किसिमका छात्रवृत्ति पाएका छन् ।
उनले हालसम्म विवरण नपठाएका ३९ विद्यालयहरूलाई १ लाख रुपैयाँसम्म जरिवाना तिराइएको र फेरि एकपटक विवरण बुझाउने मौका दिइएको छ । अब पनि विवरण नबुझाएमा शिक्षा ऐन, २०७५ को दफा ५७ को उपदफा ४ बमोजिम विद्यालयलाई प्रदान गरिएको अनुमति वा स्वीकृति रद्द गर्ने गरी कारबाही गरिने उनले बताएका छन् ।
बालेनले कानुन निर्माण र कार्यान्वयन दुवै पक्षमा आफू उत्तिकै गम्भीर रहेको उल्लेख गर्दै कानुनी प्रबन्ध कार्यान्वयन गर्दा नै यी १३ हजार विद्यार्थीले छात्रवृत्ति पाएको पनि बताएका छन् ।
