हवाई इन्धनको मूल्य घटेसँगै हवाई भाडा पनि घट्ने भएको छ । नेपाल आयल निगमले हिजो रातिदेखि लागू हुने गरि आन्तरिक उडानमा प्रतिलिटर १० रुपैयाँँले हवाई इन्धनको मूल्य घटाएको थियो ।
नयाँ फ्युल सर्चार्ज सूची अनुसार काठमाडौंबाट छोटो दुरीमा रहेको सिमरामा ९० रुपैयाँदेखि काठमाडौंबाट टाढाको दूरीमा रहेको धनगढीको भाडा ४४५ रुपैयाँसम्म घटेको छ । फ्युल सर्चार्ज हवाईसेवा प्रदायकले भाडाबाहेक लिने अतिरिक्त शुल्क हो । यस हिसाबले उक्त रुटमा भाडा थप सस्तिने छ ।
काठमाडौं- पोखराको फ्युल सर्चार्ज १ सय ६० रुपैयाँले घटेपनि भाडादर भने तीन सयसम्मले सस्तिने छ ।
