प्राक्टिकल गर्न गएका इन्जिनियर तमोर नदीमा खसेर बेपत्ता
प्रयोगात्मक अभ्यास गर्न धनकुटा पुगेका इन्जिनियर तमोर नदीमा खसेर बेपत्ता भएका छन् ।
मोरङ जिल्लाको बेलबारी नगरपालिका-११ लक्ष्मीमार्ग घर भएका २३ वर्षीय सिद्धार्थकुमार खत्रीलाई शुक्रबार अपराह्न तमोर नदीले बगाएको हो । मोटरेबल पुल निर्माणका लागि नापजाँच गर्ने क्रममा ढुङ्गामा चिप्लिएर खत्री नदीमा खसेको जनाइएको छ ।
उनीसँगै गएका साथीले प्रहरीलाई खबर गरेपछि नेपाल प्रहरी, सशस्त्र प्रहरी तथा स्थानीयले खोजतलास गर्दा पनि उनलाई फेला सकिएको छैन ।
