पोखरा महानगरले दुई सय विपन्न परिवारलाई घर दिने, १० हजार लिटर पानी पनि निशुल्क

पोखरा महानगरले १४ करोडको लागतमा दुई सय विपन्न परिवारलाई घर बनाइदिने भएको छ ।

आज आउँदो आर्थिक वर्षको आयव्यव तथा नीति तथा कार्यक्रम सार्वजनिक गर्दै महानगरले पोखरा महानगर क्षेत्रमा रहेका विपन्न वर्गका लागि १४ करोड लागतमा २०० घरहरू निर्माण गर्ने जनाएको हो । यसैगरी पोखरा महानगरपालिकाले सर्वेक्षण गरिरहेको महानगर प्रोफाइलिङअन्तर्गत विपन्न घरधुरी पहिचान कार्यक्रम सम्पन्न पश्चात् अति विपन्न घरपरिवारलाई मासिक १० हजार लिटरसम्म खानेपानी निःशुल्क वितरण गर्ने व्यवस्था मिलाउने भएको छ ।

महानगरपालिकाका प्रमुख धनराज आचार्यले आगामी आर्थिक वर्ष २०८० ८१ को नीति तथा कार्यक्रम प्रस्तुत गर्दै विपन्न परिवारलाई मासिक १० हजार लिटर खानेपानी निःशुल्क उपलब्ध गराउने व्यवस्था गरिने बताएका हुन् ।