प्रधानमन्त्री पुष्पकमल दाहालले असार महिना भित्रै बुढीगण्डकी परियोजनाको शिलन्यास हुने बताएका छन् ।
बुधबार आर्थिक वर्ष २०८०/८१ को बजेटबारे सांसदहरूले उठाएको प्रश्नको जवाफ दिने क्रममा दाहालले यही महिनामा नै बुढीगण्डकी परियोजनाको कार्यालय स्थापना गरि शिलान्यास गरिने बताएका हुन् ।
१ हजार २ सय मेगावाट क्षमताको बुढीगण्डकी परियोजना गोरखा र धादिङ जिल्लामा निर्माण हुनेछ । स्टोरेज क्षमता रहने यस आयोजनाका लागि २ सय ६३ मिटर अग्लो बाँध बाधेर मानवनिर्मित विशाल ताल बनाइनेछ ।
आयोजना निर्माणका लागि पेट्रोलियम पदार्थमा पूर्वाधार कर लगाएर ७० अर्बभन्दा बढी रकम संकलन भइसकेको छ ।
