साउदी अरबको जेद्दामा भएको गोलीकाण्डमा ज्यान गुमाउने नेपालीको पहिचान खुलेको छ ।
त्यहाँको सरकारी स्टेट न्युज एजेन्सी (एसपीए) का अनुसार जेद्दास्थित अमेरिकी वाणिज्य दूतावासको भवननजिकै बुधबार भएको घटनामा मृत्यु हुनेमा बाग्लुङका ६० वर्षीय नैनसिंह नेपाली रहेका छन् ।
उनी सन् २००१ देखि साउदीमा रोजगारी गर्दै आएका थिए । मृतक नेपाली ओथमान हमेद अल घामदी एन्ड सन्स कम्पनीमार्फत अमेरिकी वाणिज्य दूतावासमा सुरक्षा गार्डका रूपमा गएका थिए ।
