मनाङ एयरको हेलिकप्टर दुर्घटनामा परेकाहरुको शव शिक्षण अस्पताल ल्याइयो
सोलुखुम्बुमा मनाङ एयरको हेलिकप्टर दुर्घटनामा मृत्यु भएका ६ जनाको शव शिक्षण अस्पताल ल्याइएको छ ।
मंगलबार साँझ अल्टिच्युड एयरको दुई वटा हेलिकप्टरमा राखेर ६ जनाको शव काठमाडौं ल्याइएको हो । सोलुखुम्बुबाट काठमाडौंका लागि उडेको मनाङ एयरको हेलिकप्टर आज बिहान सोलुखुम्बुको लिखु पिके गाउँपालिका-५ स्थित लामजुरा डाँडामा दुर्घटनाग्रस्त अवस्थामा फेला परेको थियो ।
दुर्घटनामा पाइलट चेतबहादुर गुरूङ र ५ जना मेक्सिकन नागरिकको घटनास्थलमै ज्यान गएको थियो ।
