सर्वोच्च अदालतले काठमाडौंका मेयर बालेन शाहलाई वारेस राख्ने अनुमति दिन अस्वीकार गरेको छ ।
अदालतको अवहेलना मुद्दा खेपिरहेका शाहले वारेस राख्ने अनुमति माग्दै सर्वोच्चमा निवेदन दिएका थिए तर उनको निवेदनउपर सुनुवाइ गर्दै न्यायाधीश ईश्वर खतिवडा र हरि फुयाँलको इजलासले अनुमति नदिने निर्णय सुनाएका हुन् । वारेस राख्ने अनुमति नपाएपछि मेयर बालेन अब आफैं तारेखमा अदालत उपस्थित हुनुपर्नेछ ।
काठमाडौं महानगरमा हिन्दी चलचित्र चल्न नदिने बालेनको निर्णयविरुद्ध अदालतले आदेश दिएपछि उनले अदालतको आदेश नमान्ने व्यहोराको अभिव्यक्ति दिएका थिए । उक्त अभिव्यक्तिले अदालतको अपहेलना भएको भन्दै अधिवक्ता वर्षाकुमारी झाले सर्वोच्चमा निवेदन दिएकी थिइन् ।
