भारतविरुद्ध टस जितेर ब्याटिङ गर्दै नेपाल

एसीसी इमर्जिङ टिम्स एसिया कपअन्तर्गत भारत एविरुद्धको खेलमा नेपालले टस जितेर ब्याटिङ रोजेको छ ।

श्रीलंकाको कोलोम्बोस्थित आर प्रेमदासा स्टेडियममा हुन लागेको खेलमा नेपाली टोलीलाई समूह चरणबाट छनोट हुन जित्नै पर्ने बाध्यता छ । नेपाली टोलीले यस अघिको खेलमा पाकिस्तान ए टोलीसँग ४ विकेटको हार व्यहोरेको थियो ।

प्रतियोगितामा समूह ‘बी’मा रहेको नेपालले आफ्नो अन्तिम खेल युएईसँग साउन ३ गते खेल्नेछ । समूह ‘बी’मा नेपालसँगै भारत ए, पाकिस्तान ए र संयुक्त अरब ईमिरेट्स रहेका छन् । यसैगरी समूह ‘ए’मा अफगानिस्तान, बंगलादेश, ओमान र श्रीलंका छन् ।