पोखराको सेती नदी किनारमा मानिस मृत फेला
पोखरा । पोखरा रामघाट स्थित सेती नदीको किनारमा एक पुरुषको शव फेला परेको छ ।
पोखरा महानगरपालिका शान्तिवन स्थित रामघाटमा नदीको किनारमा बुधवार साँझ अन्दाजी ५०-५५ वर्षका पुरुष व्यक्तिको शव फेला परेको प्रहरीले जनाएको छ ।
कास्की प्रहरीका अनुसार नदी किनारमा अचेत अवस्थामा भेटिएका उनलाई गण्डकी हस्पिटल पोखरा लगिएकोमा चेकजाँचका क्रममा चिकित्सकले मृत घोषणा गरेका हुन ।
प्रहरीले मृतकको हालसम्म पहिचान नखुलेको जनाएको छ । उचाई ५ फिट ४ इन्च भएका कालो ज्याकेट, सेतो निलो कोठे सर्ट, निलो टिसर्ट र कालो पाइन्ट लगाएका उनलाई चिन्नेले सम्पर्क गरिदिन कास्की प्रहरीले आग्रह समेत गरेको छ ।
