श्रीमती हत्या आरोपमा हरिसिंह पक्राउ

बागलुङ । जिल्ला प्रहरी कार्यालय बागलुङले श्रीमतीको हत्या गरेको आरोपमा एक जनालाई पक्राउ गरेको छ । पक्राउ पर्नेमा बागलुङ नगरपालिका वडा नं. १३ सल्यानका हरिसिंह नेपाली रहेका छन् ।

नेपाली विरुद्ध कुटपिट गरी श्रीमतीको हत्या गरेको आरोप छ । नेपालीले श्रीमती शितली शाहीलाई कुटपिट गरि हत्या गरेको प्रहरी नायव उपरीक्षक (डिएसपी) मदन केसीले जानकारी दिए ।

टाउको र खुट्टामा चोट लागेको अवस्थामा शाहीलाई उपचारका लागि श्रीमान र स्थानीयले धौलागिरी अस्पतालमा ल्याएका थिए ।

शाहीलाई लगत्तै अस्पतालले मृत्त घोषणा गरेको थियो । प्रारम्भिक अनुसन्धान र स्थानीयहरुले श्रीमानको कुटपिटबाट हत्या भएको हुनसक्ने बयान दिएपछि नेपालीलाई पक्राउ गरिएको डिएसपी केसीले जानकारी दिए । घटनाबारे थप अनुसन्धान भइरहेको उनले बताए ।

सम्बन्धित न्यूज

Leave a Reply

Your email address will not be published. Required fields are marked *

Back to top button