पोखरा । नेपाली बजारमा सुनको भाउ आज बुधवार पनि घटेको छ ।
नेपाल सुनचाँदी व्यवसायी महासङ्घका अनुसार सुनको भाउ तोलामा आठ सयले घटेर आज एक लाख १८ हजार ४०० रुपैयाँमा कारोबार भइरहेको छ ।
सुनको भाउ हिजो मङ्गलवार पनि तोलामा दुई हजार ४०० ले घटेर एक लाख १९ हजार २०० रुपैयाँमा कारोबार भएको थियो ।
यसैगरी आज चाँदीको भाउ पनि घटेको छ ।
हिजो तोलामा ४५ ले घटेर एक हजार ५०० झरेको चाँदी आज २० रुपैयाँले घटेर एक हजार ४८० रुपैयाँमा कारोबार भइरहेको महासङ्घले जनाएको छ ।