पोखरामा १६ जना ज्येष्ठ नागरिक सम्मानित

पोखरा । पोखरामा एकै पटक १६ जना ज्येष्ठ नागरिक सम्मानित भएका छन् ।

ज्येष्ठ नागरिक सरोकार समाज नेपाल कास्कीले संस्थाको ११औं वार्षिक साधारण सभाको अवसरमा उनीहरुलाई सम्मान गरिएको हो । सम्मानित हुनेहरु ७५ वर्षमाथिका नागरिक रहेका छन् ।

उनीहरुलाई गण्डकी प्रदेशसभा सदस्य विन्दुकुमार थापा र संस्थाका अध्यक्ष भक्तराज श्रेष्ठले दोसल्ला ओढाएर सम्मान गरेका थिए ।

सो अवसरमा सांसद थापाले ज्येष्ठ नागरिकको कल्याणका लागि आफूले सक्दो सहयोग गर्ने प्रतिवद्धता जनाए ।

उनले ज्येष्ठ नागरिकका आवश्यकता बारे राज्यले सोच्नुपर्ने बेला आएको भन्दै ज्येष्ठ नगारिकहरुका लागि छुट्टै अस्पताल आवश्यक रहेको बताए ।

संस्थाका अध्यक्ष भक्तराज श्रेष्ठको अध्यक्षतामा भएको कार्यक्रममा उपाध्यक्ष केशवप्रसाद ढकाल, सदस्यहरु त्रिभुवन शर्मा, पद्यमा गौतम र महासचिव विष्णुप्रसाद पौडेल, सचिव ईच्छाबहादुर वाग्ले लगायतले बोलेका थिए ।

संस्थाले सय वर्ष माथिका ज्येष्ठ नागरिकको हकमा भने घरमा नै पुगेर सम्मान गर्दै आएको उपाध्यक्ष केशवप्रसाद ढकालले जानकारी दिए ।

सो अवसरमा ज्येष्ठ नागरिक आवाज अंक १० विमोचन समेत गरिएको छ ।