पोखरा-१० को वीरेन्द्रचोकमा ठडियो वीरेन्द्रकै शालिक

पोखरा । पोखरा महानगरपालिका वडा नं. १० वीरेन्द्रचोकमा पूर्वराजा वीरेन्द्र शाहको शालिक पुनःस्थापना गरिएको छ ।

गएराति १ बजेर ४५ मिनेटको शुभ मुहूर्तमा शालिक स्थापना गरिएको बताइएको छ ।

शालिक ८ फिट अग्लो ढलोटको रहेको छ । शालिक निर्माणका लागि करिब २५ लाख रुपैयाँ खर्च भएको बताइएको छ ।

यसअघि निर्मित शालिक माओवादीका कार्यकर्ताले तोडफोड गरेर फालेका थिए ।

पोखराका चोकहरुमा रहेका शालिकका विषयमा विवाद रहँदै आएको छ ।

विशेषगरि पोखराको पृथ्वीचोक, विरौटाको वीरेन्द्रचोकको शालिकको विषयमा विवाद छ ।

पृथ्वीचोकमा हाल लगन थापाको शालिक राखिएको छ भने विरौटाको वीरेन्द्रचोकलाई तमु ह्युल चोक नामाकरण गरिएको छ ।

सम्बन्धित न्यूज

Leave a Reply

Your email address will not be published. Required fields are marked *

Back to top button