पोखरा । समाजसेवी, सहारा क्लव हङकङका सल्लाहकार एवं कानून व्यवसायी देव गुरुङले २३ औं संस्करणको आहा रारा पोखरा गोल्डकप फुटवल प्रतियोगिताका लागि आर्थिक सहयोग गरेका छन् ।
उनले रु. ५१ हजार नगद प्रतियोगिता संयोजक एवं क्लवका वरिष्ठ उपाध्यक्ष पूर्णबहादुर गुरुङलाई हस्तान्तरण गरेका हुन् ।
पोखरा लामाचौर निवासी गुरुङ हाल हङकङ बस्दै आएका छन् ।
उनले सहारा क्लवलाई यसअघि पनि सहयोग गर्दै आएका थिए ।
उनले सहारा एकेडेमीका लागि करिब ७ लाख रुपैयाँ आर्थिक सहयोग गरिसकेको बताइन्छ ।
गुरुङले सहाराका लागि निरन्तर सहयोग गर्ने प्रतिवद्धता पनि जनाएका छन् ।
हिमश्री फुड्स प्रालिको मुख्य प्रायोजनमा आगामी माघ दोस्रो साता पोखरा रंगशालामा राष्ट्रिय तथा अन्तर्राष्ट्रिय अन्तरक्लब आमन्त्रित उक्त फुटबल प्रतियोगिता हुँदैछ ।
प्रतियोगितामा नेपालका ए डिभिजनका क्लब, विभागीय टिमहरु, विदेशी टिम, मोफसलको टिमसहित आयोजकका टिमले भाग लिने छन् ।
