पोखरा । खुट्टामा समस्या भएर एउटा खुट्टा गुमाइ अस्पतालमा उपचाररत पाेखराका एक व्यक्तिलाई पन्चासे हर्पन डॉडा समाज युकेले आर्थिक सहयोग गरेको छ ।
पोखरा महानगरपालिका वडा नं. २३ सिधानेका ४० वर्षका यामबहादुर गुरूङलाई समाजले आर्थिक सहयोग गरेको अध्यक्ष देउकाजी गुरुङले जानकारी दिए ।
यामबहादुरको देब्रे खुट्टामा घाउ हुँदा मंसिर ८ गते अपरेसन गरि काटिएको छ । उनी हाल काठमाडौंस्थित मनमोहन अस्पतालमा उपचाररत छन् ।
किसानी काम गर्दै आइरहेका उनको आर्थिक अवस्था निकै नाजुक भएकाले उपचारमा समस्या भएपछि समाजको पहलमा रकम संकलन गरि सहयोग गरिएको बताइएको छ ।
बिरामी यामका लागि ९ लाख २५ हजार ३ सय ३४ रूपैयाँ अध्यक्ष गुरूङले हस्तान्तरण गरेका हुन् ।
समाजले सिधाने, कुद्वीडाँडा, दमदमे र मकानपुरका ४ गाउँंका नागरिकका लागि विभिन्न आर्थिक सहयोग गर्दै आएको छ ।
युके समाजले शैक्षिक, सामाजिक तथा अन्य क्षेत्रमा महत्वपूर्ण सहयोगसमेत गर्दै आएको छ ।
समाजले कोरना कहरमा स्थानीय गाउँमा राहत वितरण गरेको थियो ।
