मुद्रण उद्योग संघ म्याग्दीमा खत्री

पोखरा । मुद्रण उद्योग संघ म्यादीको अध्यक्षमा सन्दिप खत्री निर्वाचित भएका छन् । संघको प्रथम अधिवेशनले खत्रीलाई अध्यक्षमा सर्वसम्मत निर्वाचित गरेको हो ।

संस्थाको उपाध्यक्षमा रुद्रप्रसाद सुवेदी, सचिवमा सन्तोष ढुंगाना, सहसचिवमा भुवन रोका र कोषाध्यक्षमा गोमा भट्टराई निर्वाचित भएका छन् ।

यस्तै, कार्यसमिति सदस्यहरुमा लीलानाथ पौडेल, खगेन्द्र थापा, चन्द्रबहादुर भण्डारी र दामु रोका रहेका छन् ।

मुद्रण उद्योग महासंघ गण्डकीका महासचिव मनोहर दाहालले अधिवेशनको उद्घाटन गरेका थिए ।

सो अवसरमा महासचिव दाहालले व्यवसायीबीचको एकता नै अहिलेको आवश्यकता भएको बताए ।