राष्ट्रियसभा निर्वाचन : गण्डकीबाट गोरखाका किरणबाबु र तनहुँका पदमबहादुरलाई टिकट

पोखरा । राष्ट्रियसभा सदस्य निर्वाचनका लागि नेपाली काँग्रेसले गण्डकीबाट गोरखाका किरणबाबु श्रेष्ठ र तनहुँका पदमबहादुर परियारले टिकट पाएका छन् ।

यसअघि कास्कीका शोभियतबहादुर अधिकारी र स्याङ्जाका गोपालमान श्रेष्ठले टिकट पाउने चर्चा थियो । टिकट पाएका श्रेष्ठ र परियार दुवै शेखर-गगन पक्षका हुन् ।

श्रेष्ठले अन्यबाट र परियारले अपाङ्गताबाट टिकट पाएका हुन् । श्रेष्ठ पार्टीको गण्डकी प्रदेश महामन्त्रीसमेत हुन् ।

३ सिटका लागि चुनाव हुने गण्डकीमा माओवादीबाट पर्वतकी मनरुपा शर्माले टिकट पाएकी छन् ।

निर्वाचन अन्तर्गत आज १० देखि ३ बजेसम्म मनोनयन पत्र दर्ताको समय तोकिएको छ ।

राति अबेर भएको सहमति अनुसार कोसीबाट कृष्णप्रसाद सिटौला, मधेशबाट आनन्दप्रसाद ढुंगाना, वागमतीबाट जीतजग बस्नेत र विष्णुदेवी पुडासैनी, लुम्बिनीबाट विष्णुकुमारी सापकोटा, कर्णालीबाट कृष्णबहादुर रोकाया, सुदूरपश्चिमबाट बलदेव वोहोरा र नारायणदत्त भट्टले टिकट पाएका छन् ।

सम्बन्धित न्यूज

Leave a Reply

Your email address will not be published. Required fields are marked *

Back to top button