आज पनि चम्कियो नेप्से

काठमाडौँ । शेयर बजार (नेप्से परिसूचक) मा लगातार दोस्रो दिन खुशीयाली छाएको छ ।

लगातार दोस्रो दिन नेप्से परिसूचक दोहोरो अंकले बढेको हो । मंगलबार २०.६२ अंकले बढेको शेयर बजार २०८०.१२ विन्दुमा पुगेर बन्द भएको छ ।

यस दिन ३०९ कम्पनीको १ करोड ७९ लाख ४९ हजार ५६२ कित्ता शेयर किनबेच हुँदा ६ अर्ब ११ करोड ८३ लाख १७ हजार ८६६ रुपैयाँको कारोबार भएको छ ।

यसदिन १६५ वटा कम्पनीको शेयर मूल्य बढ्दा ७७ वटा कम्पनीको घटेको छ भने ५ वटाको स्थिर छ ।

यसअघि सोमबार ३६.५७ अंकले बढेको शेयर बजार २०५९.४२ विन्दुमा पुगेर बन्द भएको थियो ।

त्यस दिन ३०९ कम्पनीको १ करोड ३७ लाख ९ हजार २७६ कित्ता सेयर किनबेच हुँदा ४ अर्ब ६७ करोड ५२ लाख २४ हजार ९०२ रुपैयाँको कारोबार भएको थियो ।

२१२ वटा कम्पनीको शेयरमूल्य बढ्दा २९ वटा कम्पनीको घटेको छ भने ५ वटाको स्थिर रहेको थियो ।

नेप्सेमा आइतबार भने पहिरो गएको थियो । आइतबार २६ दशमलव ३६ अङ्कको गिरावट देखिएको थियो ।