पोखरा महानगरद्वारा हिउँदे सभा आह्वान, कार्यपालिका बैठक बस्दै नबसी स्थगित

पोखरा । पोखरा महानगरपालिकाले २९ गते हिउँदे सभा बोलाइएको छ । त्यसअघि सभामा प्रस्तुत हुने कार्यसूची पास गर्न कार्यपालिका बैठक डाकिएको छ ।

मंगलबारको कार्यपालिका बैठकमा सभामा प्रस्तुत हुने कार्यसूचीमा सहमति नभएपछि २८ गते बैठक बस्नेगरी स्थगित गरिएको महानगरका प्रवक्ता मोती तिमिल्सिनाले बताए ।

कर घटाउने एजेन्डा नराखिएपछि बैठक स्थगित भएको बताइन्छ । बैठक स्थगित गरेर कांग्रेसका वडाध्यक्षहरु कास्कीकोट पुगेका थिए ।

पोखरावासीले जननिर्वाचित प्रतिनिधिहरूले कर बढेको बारे कुनै प्रतिक्रिया नदेखाएका आरोप लाग्दै आएको छ । पोखरेलीहरूले दवाव दिएपछि कांग्रेसले कर घटाउने दबाब सिर्जना गर्न आदेश दिएको थियो । कार्यपालिकामा कांग्रेसका वडाध्यक्षहरूको बहुमत छ । २२ जना वडाध्यक्ष रहेको कांग्रेसले मंगलबार कार्यपालिका बैठकमा कर घटाउने एजेन्डा राख्न सुझायो । तर महानगरले उक्त एजेन्डा बैठकमा राखेन । एजेन्डा नै समावेश नभएपछि कांग्रेसका वडाध्यक्षहरूले बैठकमा सहभागी नहुने जानकारी मेयर धनराज आचार्यलाई गराए र महानगरबाट निस्किए । बैठक सुरु नहुँदै स्थगित भयो ।

‘हामीलाई जनताको ठूलो प्रेसर छ । कर बढेको कुरा साँचो हो । घटाउनका लागि धेरै पटक महानगरको ध्यानाकर्षण पनि गरायौँ,’ कांग्रेस दलका नेता दिवसमान प्रधानाङ्गले भने, ‘मंगलबारको बैठकको एजेन्डा बनाउने सहमति भएको थियो । तर एजेन्डामा परेन ।’ उनले कर घटाउने एजेन्डा नआएसम्म बैठक नबस्ने बताए । ‘कर अत्यधिक बढेको छ । यो घट्नुपर्छ,’ उनले अघि भने ।

सम्बन्धित न्यूज

Leave a Reply

Your email address will not be published. Required fields are marked *

Back to top button