मोटरसाइकल दुर्घटनामा ढकाल दम्पत्तिको मृत्यु

कैलाली । कैलालीमा मोटरसाइकल दुर्घटना हुँदा एक दम्पत्तिको मृत्यु भएको छ । मृत्यु हुनेमा अछामको पञ्चदेवल विनायक नगरपालिका वडा नं. १ कुइँकाका खकेन्द्र ढकाल र उनकी श्रीमती मैसरा ढकाल रहेका छन्

मोहन्याल गाउँपालिका वडा नं.७ को कुइने-चिसापानी सडकखण्डअन्तर्गत पितमारीमा बुधबार साँझ सवार भे१३प १०७४ नम्बरको मोटरसाइकल दुर्घटना हुँदा उनीहरूको मृत्यु भएको हो ।

मोटरसाइकल सडकबाट करिब दुई सय मिटर तल कर्णाली नदीमा खसेको प्रहरीले जनाएको छ । उनीहरू अछामबाट बर्दियाको भुरीगाउँ जाने क्रममा सो दुर्घटना बताइन्छ ।

नदीबाट मोटरबोटको सहायताले निकालिएको उनीहरूको शव परीक्षणका लागि टीकापुर अस्पतालमा राखिएको प्रहहरीले जनाएको छ ।