माघेसंक्रान्तिको दिनमा गण्डकीसहित ३ प्रदेशमा वर्षाको सम्भावना

पोखरा । माघ १ माघे संक्रान्तिको दिन र २ गते अर्थात सोमबार र मंगलबार देशका केही स्थानमा हल्का वर्षाको सम्भावना रहेको छ ।

मौसम पूर्वानुमान महाशाखाले आफ्नो बुलेटिनमार्फत सोमबार गण्डकी, कोशी र बाग्मती प्रदेशका पहाडी भूभागका एक-दुई स्थानमा हल्का वर्षा तथा देशका उच्च पहाडी तथा हिमाली भूभागका एक-दुई स्थानमा हल्का हिमपातको सम्भावना रहेको जनाएको छ ।

आज भने आज पश्चिमी वायुको आंशिक प्रभाव रहेकाले पहाडी भूभागमा आंशिक बदली भई बाँकी भूभागमा सामान्यतया मौसम सफा छ ।

आज बिहान तराईका अधिकांश स्थानहरूमा हुस्सु/कुहिरो लागेको छ ।

राति भने गण्डकी र कोशी प्रदेशका उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको महाशाखाले उल्लेख गरेको छ ।

 

सम्बन्धित न्यूज

Leave a Reply

Your email address will not be published. Required fields are marked *

Back to top button