प्रेस क्लव गण्डकीको दोस्रो साधारणसभा

पोखरा । प्रेस क्लव गण्डकीको दोस्रो साधारणसभा शनिबार सम्पन्न भएको छ ।

कार्यक्रम उद्घाटन गर्दै प्रतिनिधिसभा सदस्य दामोदर पौडेल बैरागीले पत्रकारहरुले सत्य र तथ्यमा आधारित रहेर सम्प्रेषण गर्नुपर्नेमा जोड दिए ।

उनले सानो कमजोरीले ठूलो समस्या उत्पन्न हुने भन्दै सहि र तथ्यमा आधारित समाचारले समाज परिवर्तनमा भूमिका खेल्ने बताए ।

अहिले सञ्चार कानून निर्माणको तयारी भैरहेको बताउँदै उनले पत्रकारमैत्री बनाउन आफ्नो तर्फबाट भूमिका खेल्ने बताए ।

नेपाल पत्रकार महासंघका केन्द्रीय सदस्य तथा क्लवका सल्लाहकार सरिता पंगेनी तिमिल्सिनाले क्लवले छोटो समयमा राम्रो काम गरेको बताइन् । उनले अझै सशक्त रुपमा समाजमा रहेका विभिन्न विषयमा बहसमूलक कार्यक्रम गर्न सुझाव दिइन् ।

क्लवका सल्लाहकार सुष्मा पौडेल, पत्रकार महासंघ गण्डकी प्रदेशका महासचिव गोविन्द सुवेदी, नेपाल पत्रकार महासंघ कास्कीका सचिव माधव बराल, पोखरा महानगरपालिका न्यायिक समिति सदस्य कालिदास पोखरेल लगायतले बोलेका थिए ।

क्लवका अध्यक्ष एकराज गिरीको अध्यक्षतामा भएको कार्यक्रमको सञ्चालन सचिव गौरव त्रिपाठीले गरेका थिए ।

साधारणसभाले क्लव दर्ता भएको दिनलाई स्थापना दिवस मान्दै सोही अवसरमा समाजका लागि महत्वपूर्ण योगदान पुर्याउने व्यक्ति वा संस्थालाई वार्षिक ५० हजार रुपैयाँसहित सम्मान गर्ने निर्णय गरेको अध्यक्ष गिरीले बताए ।

सम्बन्धित न्यूज

Leave a Reply

Your email address will not be published. Required fields are marked *

Back to top button