सुनको भाउ बढ्यो, कतिमा हुँदैछ कारोबार ?

पोखरा । नेपाली बजारमा सोमबार सुनको मूल्य बढेको छ भने चाँदीको मूल्य स्थिर रहेको छ ।

आइतबार प्रतितोला ६ सय रूपैयाँ बढेको सुनको मूल्य यसदिन प्रतितोला ३ सय रूपैयाँ बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १९ हजार ५ सय रूपैयाँ र तेजाबी सुन प्रतितोला १ लाख १८ हजार ९ सय ५० रूपैयाँमा कारोबार भइरहेको छ ।

आइतबार छापावाल सुन प्रतितोला १ लाख १९ हजार २ सय रूपैयाँ र तेजाबी सुन प्रतितोला १ लाख १८ हजार ६ सय ५० रूपैयाँमा कारोबार भएको थियो ।

यसैगरी सोमबार चाँदीको मूल्य भने स्थिर रहेको छ ।

आइतबार प्रतितोला १ हजार ४ सय २० रूपैयाँमा कारोबार भएको चाँदी सोमबार पनि सोही मूल्यमा किनबेच भइरहेको महासंघले जनाएको छ ।