पोखरामा प्रथम पुन हिल कप भलिबल प्रतियोगिता सुरु

पोखरा । पोखरामा प्रथम पुन हिल कप भलिबल प्रतियोगिता आजदेखि सुरु भएको छ ।

पुन दिवसको अवसरमा पुन समाज नेपालले पुरुष, महिला तथा प्रौढ प्रतियोगिता आयोजना गरेको हो ।

प्रतियोगितामा पुरुषतर्फ १८, महिलातर्फ १४ र प्रौढतर्फ १२ टोलीको सहभागिता छ ।

प्रदेश खेलकुद परिषद् गण्डकीका उपाध्यक्ष धोजकुमार गुरुङले प्रतियोगिता शुभारम्भ गरेका छन् ।

प्रतियोगितामा आजदेखि प्रौढतर्फका खेल सुरु भएको छ ।

पुरुषतर्फको प्रतियोगिता विजेताले १ लाख ११ हजार १ सय ११ रुपैयाँ, उपविजेताले ५५ हजार ५ सय ५५ रुपैयाँ नगद पुरस्कार प्राप्त गर्नेछन् ।

यसैगरी महिलातर्फको विजेताले ६६ हजार ६ सय ६६ र उपविजेताले ३३ हजार ३ सय ३३ रुपैयाँ, प्रौढतर्फको विजेताले ३३ हजार ३ सय ३३ र उपविजेताले २० हजार रुपैयाँ नगद पुरस्कार प्राप्त गर्ने आयोजक संस्थाका महासचिव खिमनशेर पुर्जा पुनले जानकारी दिए ।