कास्कीका पोखरेल कृषि सामाग्री कम्पनीको प्रबन्धमा नियुक्त

पोखरा । कृषि सामाग्री कम्पनी लिमिटेडको प्रबन्ध सञ्चालकमा कास्कीका विष्णु पोखरेल नियुक्त भएका छन् ।

११ महिनादेखि रिक्त कम्पनीमा पाेखरेलले निमित्त प्रबन्ध सञ्चालकको जिम्मेवारी सम्हाल्दै आएका थिए ।

कम्पनीका अध्यक्ष सवनम शिवाकोटीको अध्यक्षतामा बसेको बैठकले प्रबन्ध सञ्चालनका लागि सिफारिस भएका तीन जनामध्ये पोखरेललाई नियुक्त गरेको हो ।

कृषि मन्त्रालय अन्तर्गतको उक्त संस्थाको प्रबन्ध सञ्चालन सिफारिसका लागि तीन सदस्यीय समिति गठन भएको थियो ।

समितिमा ९ जनाले आवेदन दिएकोमा पोखरेललाई नियुक्त गरिएको हो ।

पोखरेलले २०५२ मा शाखा अधिकृतबाट सेवा सुरु गरेका थिए ।