अदालतको फैसलापछि भागेका पोखराका रितिक पक्राउ

पोखरा । जिल्ला प्रहरी कार्यालय कास्कीले लागू औषधसम्बन्धी मुद्धाका एक फरार प्रतिवादी पक्राउ गरेको छ ।

पक्राउ पर्नेमा पोखरा महानगरपालिका वडा नं. २० घर भई हाल पोखरा १६ दीप बस्दै आएका बर्ष २६ का रितिक परियार छन् ।

कास्की प्रहरीका अनुसार जिल्ला अदालतले गत असोज १५ गते लागूऔषध सम्बन्धी मुद्धामा १ वर्ष ७ महिना कैद सजाय र ५० हजार रुपैयाँ जरीवानाको फैसला गरेको थियो । सोही दिनदेखि परियार फरार थिए ।

उनलाई पक्राउ गरि आज अदालत पेस गरिएको कास्की प्रहरीका सूचना अधिकारी श्रवणकुमार विकले जानकारी दिए ।