पाेखरा । भगवान् गणेशप्रति समर्पण गरिने तिलकुन्द चौथी पनि आजै परेको छ । माघ शुक्ल पक्षको यस चौथीलाई गणेश जयन्तीका रूपमा पनि मनाइन्छ ।
पवित्र तिल र कुन्द अर्थात् गणेशको प्रिय चमेलीको फूल, आजका दिन तिल र चमेली फूलको सुगन्ध भएका परिकारहरू भगवानलाई अर्पण गर्ने चलन हुन्छ ।
यस दिन व्रत बस्ने र साँझमा पूजा गर्ने चलन छ । घरको उत्तर पूर्व दिशाको कुनामा पूजा आशन राख्ने र नरिवलको तेलमा दियो बालेर पूजा गर्ने, आरती गर्ने र ॐ गं गणेश्वराय विघ्ननायकाय नमः मन्त्रलाई १०८ पटक जप गर्ने चलन छ ।
दुःख कष्ट निवारण गर्दै बाधा अड्चनहरूलाई हटाउन आजको दिनको पूजाको विशेष भूमिका रहने बताइन्छ ।
