पोखरा । ड्यामसाइड क्लब आयोजनामा भएको अन्तरविद्यालय वडाअध्यक्ष कप फुटबलमा आजदेखि सेमिफाइनलका खेलहरु हुनेछन् ।
आज फिस्टेल एकेडेमीबिरुद्ध शान्ति निकुञ्जबीच पहिलो सेमिफाइनल खेल हुनेछ ।
अर्को खेलमा साविक विजेता छोरेपाटन र बालोदय बोर्डिङबीच प्रतिस्पर्धा हुने क्लबका पूर्व अध्यक्ष पदम ढकालले जानकारी दिए ।
शक्रबार पहिलो क्वाटरफाइनलमा शान्ति निकुन्जले ढुंगेसाँघुलाई १-०, फिस्टेल एकेडेमीले शिशु कल्याण नआउँदा वाकओभार पायो ।
छोरेपाटन माविले पार्दी माविलाई ३-० गोलअन्तरले हराउँदा बालोदयले एलपी देवकोटालाई १-० गोलअन्तरमा पाखा लगायो ।
प्रतियोगिताले ३० हजार, उपविजेताले २० हजार र तेस्रो हुनेले १० हजार प्राप्त गर्नेछन् ।
