पाेखरा । नेपाल र नामिबिया बीचकाे खेल आज पनि हुँदैछ । आईसीसी विश्वकप लिग-२ क्रिकेटअन्तर्गत आजकाे खेल नेपाली समयअनुसार बिहान ९:३० बजेबाट त्रिभुवन विश्वविद्यालयको मैदानमा हुनेछ । आज नेपाललाई नामिबियासँग बदला लिने अवसर हुनेछ ।
नेपाल पहिलो खेलमा नामिबियासँग ४ विकेले पराजित भएको थियो भने दोस्रो खेलमा नेदरल्यान्ड्समाथि ९ विकेटको शानदार जीत हासिल गरेकाे थियाे ।
त्रिकोणात्मक शृङ्खलामा तीनै टोलीले २-२ खेल खेलेका छन् । हालसम्म सबै टोलीले समान एक खेलमा जीत र एक खेलमा हार बेहोरेका छन् ।
नेपाल नेट रनरेटको आधारमा शीर्ष स्थानमा छ । त्यसपछि क्रमशः नामिबिया र नेदरल्यान्ड्स छन् ।
