पोखरा । अन्नपूर्ण गाउँपालिका वडा नं २ मा यसवर्ष पनि शिवरात्री मेला हुने भएको छ ।
नर्वदेश्वर शिवपञ्चाङ्ग मन्दिर व्यवस्थापन समितिको आयोजना चौथो शिवरात्री मेला हुने भएको हो ।
मेलाको प्रमुख आकर्षणका रुपमा खुला भजन प्रतियोगिता, नृत्य प्रतियोगिता, विभिन्न व्यक्तिलाई सम्मान तथा कलाकारको प्रस्तुति रहनेछ ।
समिति सचिव रमेशराज भण्डारीका अनुसार भजनतर्फ प्रथम हुनेले १२ हजार, द्वितीय हुनेले ६ हजार, तृतीयले ३ हजार तथा सान्त्वनाले १ हजार ५ सय साथमा प्रमाणपत्र पुरस्कार पाउनेछन् ।
यस्तै उत्कृष्ट नृत्यलाई पनि प्रोत्साहन पुरस्कारको व्यवस्था गरिएको छ । मेला सम्पन्न गर्न विभिन्न उपसमिति निर्माण गरी कार्य अगाडि बढाइएको छ ।
