हिउँद सकिएर प्रिमनसुन अवधि सुरु, के-के हुन्छ अब ?

काठमाडौँ । हालै मात्र नेपालमा हिउँद सकिएर प्रिमनसुनको अवधि सुरु भएको छ । आकलन गरिएभन्दा कम चिसो र कम पानी परेर यसपालीको हिउँद सकिएको हो ।

प्रिमनसुन अवधि सुरु भएपछिको आइतबारको यो पहिलो मौसम बदली हो । हिउँद सकिएर प्रिमनसुनको अवधि यही शुक्रबारदेखि सुरु भए पनि प्रिमनसुन सक्रिय हुन भने केही दिन लाग्ने जल तथा मौसम विज्ञान विभागले जनाएको छ ।

मौसम पूर्वानुमान महाशाखाका मौसमविद् रोजन लामिछानेले मुख्यगरी पश्चिमी वायु र अरेवियन सागरको जलवाष्पयुक्त हावाका कारणले अहिले मौसममा बदली आएको जानकारी दिए ।

उनका अनुसार अहिले गण्डकी, लुम्बिनी, बागमती, कणाली प्रदेशमा बढी बदली रहेको छ । सुदूरपश्चिम, कोशी र मधेशमा कम बदली रहेको भन्दै यो सर्दै गएकाले ती क्षेत्रमा पनि बदली हुने लामिछानेले बताए ।

आइतबार रातिसम्म यो क्रम बढ्दै जाने र भोलिदेखि क्रमशः मौसममा सुधार हुने उनले बताए । आइतबार राति पश्चिमी भू–भागमा बढी बदली हुने उनको भनाइ छ ।

आज मुलुकका अधिका‌श स्थानमा बिहानैदेखि हल्का वर्षा भइरहेको छ । गत मङ्सिर १६ गतेदेखि फागुन १७ गतेसम्मको अवधि यस वर्षको हिउँदको समय थियो ।

हिउँदले बिदा लिए पनि अझै पश्चिमी वायुको प्रभाव बाँकी नै रहेको महाशाखाले जनाएको छ ।

सम्बन्धित न्यूज

Leave a Reply

Your email address will not be published. Required fields are marked *

Back to top button