मोटरसाइकलको ठक्करबाट १ जनाको मृत्यु, चालक राजवंशी प्रहरी नियन्त्रणमा

झापा । झापामा सोमबार साँझ मोटरसाइकलको ठक्करबाट १ पैदलयात्रीको मृत्यु भएको छ । मृत्यु हुनेमा पैदलयात्री ५५ वर्षीय शम्भु कार्की रहेका छन् ।

झापा गाउँपालिका वडा नं ४ मंगलबारेस्थित हुलाकी राजमार्जमा शरणामतिबाट कुमारखोद जाँदै गरेको मे३प ५९२१ नं को मोटरसाइकलले ठक्कर दिँदा कार्की गम्भीर घाइते भएका थिए ।

कार्कीको उपचारका लागि बिएण्डसी अस्पताल बिर्तामोड लगिएकोमा अस्पतालमा पुग्नासाथ चिकित्सकले मृत घोषणा गरेको जिल्ला प्रहरी कार्यालय झापाले जनाएको छ ।

प्रहरीले मोटरसाइकल चालक झापा गाउँपालिका १ बस्ने ४५ वर्षीय पदमबहादुर राजवंशी प्रहरीको नियन्त्रणमा छन् ।