पोखरामा बिजुलीको पोल पल्टिएर स्कुल बसमाथि परेपछि…

पोखरा । पोखरामा बिजुलीको पोल भाँचिएर स्कुल बसमाथि परेको छ ।

यो घटना पोखराको लामाचौरस्थित भक्ति पथमा भएको हो । नदीपुरस्थित न्यू ग्यालेसी माविको बस विद्यार्थी लिन जानेक्रममा बिहान ९ः३० बजे सो घटना भएको हो ।

विद्यालयका प्राचार्य डा. रामजी शर्माकाअनुसार बस गुडिरहेकै अवस्थामा बिजुलीको पोल भाँचिएर बसमाथि परेको हो ।

पोलमा रहेका बिजुलीका तारमा विद्युत प्रवाह भइरहेपनि अन्य घटना भने नभएको प्राचार्य शर्माले बताए ।

बस चालक र सहयोगीले तत्कालै बसबाट विद्यार्थीलाई निकाल्न सफल भएको बताइन्छ ।