भागेका थुनुवा समात्न हाम्फाल्नेक्रममा प्रहरी जवानले ज्यान गुमाए

पोखरा । थुनुवालाई पक्राउ गर्न गएका एक प्रहरी जवानको ज्यान गएको छ । जिल्ला प्रहरी कार्यालय दार्चुलाका ३० वर्षीय प्रहरी जवान शोहन चौधरीको सोमबार दिउँसो साढे १२ बजे मृत्यु भएको प्रहरी निरीक्षक ज्ञानेन्द्र सिंहले जानकारी दिए ।

जवरजस्ती करणी मुद्दामा गत फागुन २१ गते महाकाली नगरपालिका वडा नं १ का उमेशसिंह कुँवर पक्राउ परेका थिए ।

उनीमाथि मुद्दा शाखामा सोधपुछ चलिरहेको थियो । त्यही बेला कुँवर हतकडीसहित प्रहरी कार्यालयबाट भागेका थिए ।

भागेका थुनुवा कुँवरलाई समात्न प्रहरी जवान चौधरी प्रहरी कार्यालय भवनको पछाडि भागबाट हामफालेका थिए । त्यसक्रममा उनी भिरमा पुगेका थिए भने टाउकोमा चोट लागेको थियो । लडेको केहीबेरमा चौधरीको मृत्यु भएको थियो ।

भागेका थुनुवा कुँवरलाई भने भारतीय प्रहरीको समन्वयमा महाकाली पारिबाट नियन्त्रणमा लिइसकेको इन्स्पेक्टर सिंहले बताए ।

सम्बन्धित न्यूज

Leave a Reply

Your email address will not be published. Required fields are marked *

Back to top button