पोखरामा बाल मनोविज्ञान र शैक्षिक सुधारबारे गोष्ठी

पोखरा । बाल मनोविज्ञान तथा शैक्षणिक सुधार योजनासम्बन्धी गोष्ठी शनिबार पोखरामा सम्पन्न भएको छ ।

माया फाउन्डेसनअन्तर्गत कार्यक्रम सञ्चालन भएका कास्कीका १० विद्यालयका ७० जना गोष्ठीमा सहभागी थिए ।

विद्यालयका प्रधानाध्यापक, शैक्षिक सुधार योजनाको कोर टिमको सहभागिता रहेको गोष्ठीमा शैक्षिक सत्र २०८० को मूल्यांकन, पृष्ठपोषण र नयाँ शैक्षिक सत्रका लागि योजना निर्माण गरिएको अक्सफोर्ड स्कुलका प्रशासक भूमिराज अधिकारीले जानकारी दिए ।

गोष्ठीमा हान युनिभर्सिटी नेदरल्यान्डका प्रोफेसर पेटर फ्रान्सेनले शैक्षणिक योजना तथा टाँसी वल्र्ड अफ स्कुल काठमाडौंका सञ्चालक डिलमाया अधिकारीले बालमनोविज्ञानबारे सहजीकरण गरेका थिए ।

कास्कीका अक्सफोर्ड, स्नोभियो, माछापुच्छ्रे नमूना, सिर्जना मावि, धारापानी मावि, महेन्द्र आवि, चिरगादी स्कुल, शिशुकल्याण, दुर्गा भवानी आदर्श सामुदायिक र जनकल्याण माविमा माया फाउन्डेसनका कार्यक्रम सञ्चालनमा छ ।

फाउन्डेसनले शैक्षिक सुधारमा सहजीकरण, शैक्षिक सामग्री वितरण र छात्रवृत्ति वितरण गर्छ ।

सम्बन्धित न्यूज

Leave a Reply

Your email address will not be published. Required fields are marked *

Back to top button