पर्सा । पर्सामा बाघको आक्रमणबाट जंगलमा घाँस काट्न जंगल गएकी एक महिलाको ज्यान गएको छ ।
मत्यु हुनेमा ठोरी गापाँलिका वडा नं ४ मालीबस्तीकी ४० वर्षीया कलावती खत्री रहेकी छन् ।
प्रहरीका अनुसार सोमबार साँझ ४ बजेर ५० मिनेटमा खत्रीको शव पर्सा राष्ट्रिय निकुन्जको मध्यवर्ती क्षेत्रमा फेला परेको थियो ।
उनी जंगलमा घाँस काटन एक्लै गएकी थिइन् । उनको शरीरको विभिन्न भाग तथा घाँटीमा बाघको नङग्राले कोतरिएको छ ।
खत्रीको शव परीक्षणका लागि नारायणी अस्पताल वीरगन्ज पठाइएको छ । उक्त वन क्षेत्रमा यसअघि बाघ नदेखिएको र यहाँ बाघको आक्रमणको पहिलो घटना भएको प्रहरीले जनाएको छ ।
